МУИС-ийн дэргэдэх Шинжлэх ухаан технологийн инновац төвөөс зохион байгуулсан “Эгэл бүтэн арга зүй” сэдэвт сургалтад багш нар хамрагдлаа.
Тодруулбал, Говь-Алтай аймгийн бага боловсролын 60, математикийн 60, нийт 130 орчим багш, сурагч МУИС-ийн дэргэдэх Шинжлэх ухаан технологийн инновац төвөөс зохион байгуулсан “Эгэл бүтэн арга зүй” сургалтад хамрагдлаа.
Уг сургалтаар өөрийн хяналттай үйл ажиллагаанд суралцах, бие даан суралцах үйлийг дэмжих, сонсох чадвар, анхаарал төвлөрлийг сайжруулах, бүтээлч үйлийг нэмэгдүүлэх, өөрийн үйлээр суралцах дадлыг төлөвшүүлэх, заах арга, ур чадвараа дээшлүүлэх, хүүхэд бүрийн онцлог, ялгаатай байдлыг харгалзан арга барилаа өөрчлөх зэрэг олон чадварыг эзэмшүүлэх ач холбогдолтой сургалт болсон тухай тус аймгийн БШУГ-аас онцлов.
Түүнчлэн энэ сургалт бага дунд ангийн залгамж холбоог сайжруулж хамтын ажиллагааг нэгтгэхэд ихээхэн дэмжлэг болж буйгаараа онцлог болжээ
