Зүүн өвдөгний бэртлээс болж 9 тоглолт өнжөөд байсан Кемба Вуокер өнөөдөр Minnesota Timberwolves багийн эсрэг хийсэн тоглолтонд эргэн талбайд гарлаа. Ингэхдээ тэрээр тоглолтыг гарааны бүрэлдэхүүнд эхлүүлсэн ба нийт 29 минут тоглож 19 оноо (17-г нь хоёрдугаар хагасд) авлаа.Түрүү улиралд өндөр хүлээлттэй байсан ч хасагдах шатны эхний шатнаас мултарсан New York Knicks баг энэ улирал бүр ч тааруу, 50 хувийн амжилтанд ч хүрч чадахгүй яваа нь фенүүдийх нь сэтгэлийг гонсойлгож байгаа ч багийн гарааны холбогч нь эргэн ирсэн энэхүү мэдээ багтаа сайнаар нөлөөлөх байх хэмээн горьдлого тавьж байна.
