Эрүүл мэндийн яамнаас мэдээлснээр, сүүлийн 24 цагийн хугацаанд хийсэн шинжилгээгээр Covid-19-ийн 120 шинэ тохиолдол бүртгэгджээ. Үүнээс 70 нь Улаанбаатарт, 50 нь орон нутагт батлагдсан байна. Мөн хугацаанд халдварын суурь шалтгаантай нэг нас баралт бүртгэгдсэн байна. Өнөөдрийн байдлаар эмнэлэгт 1154 хүн хэвтэн эмчлүүлж байгаагаас 296 хүний биеийн байдал хөнгөн, 12 хүний бие нэн хүнд байгаа аж.
