Говь-Алтай аймгийн Улаан загалмайн хорооноос малчдад “Бэлэн бай” сургалт зохион байгуулав.
Тодруулбал, Говь-Алтай аймгийн Тайшир, Тонхил, Чандмань, Эрдэнэ, Есөнбулаг сумын улаан загалмайн анхан шатны хороодын удирдлагууд болон малчдад өвөлжилтийн өнөөгийн нөхцөл байдлын талаар мэдээлэл хийж, гамшгаас урьдчилан сэргийлэх “Бэлэн бай” сургалтыг зохион байгуулжээ.
Сургалтаар 2023-2024 оны цаг агаарын өвөлжилтийн зураглал, төрөөс малчдад явуулж буй бодлого арга хэмжээг танилцуулж санал солилцсон юм. Мөн үеэр хүмүүнлэгийн тусламжийн чиглэлээр хамгийн эхэнд хүн рүүгээ анхаарсан тусламжийг өгөх нь зүйтэй гэж малчдын төлөөлөл онцлон хэлж байлаа.
